Anṣuf

Taqbaylit, ISO akked UNICODE:

Tatiknikt ass-a ur telli ara d ẓerb i usnerni n tutlayt, d tignatin i d-wwi i tutlayt akken ad tt-id-suffeɣ seg uḥric n tsekla ar umaḍal umḍin , s ufaṛes n tegnitt i d-ttmuddun ifecka itiknikanen neɣ n tsenselkimt.

Taqbaylit d tutlayt ikecmen acḥal aya deg tegnut ISO 639-2 akked ISO 639-3 (Wali Tingalin n tutlayin 639-2 ), ayen ara s-imudden azref akken ad tili deg ifecka, isnasen neɣ inagrawen n tsenselkimt meṛṛa.

Acu kan, yessefk ad yeddukel wawal ɣef ifecka-agi. Ass-a taqbaylit ɣur-s amḍiq deg UNICODE. Asenfaṛ CLDR yekker akken yesdukel amawal yettuseqdacen deg ifecka atraren (wali CLDR Aqbayli). I ugar n telqayt ɣef tiɣula n usenfaṛ CLDR, ddu ar usebter-nneɣ Taqbaylit deg CLDR.

Yessefk ihi ad nfaṛes tagnitt-agi akken ad nger taqbaylit ama ar iseɣzanen neɣ inagrawen-nniḍen isefraken tutlayin am tiliẓriyin, neɣ isuga-nniḍen.

Ass-a, deqs n isenfaṛen n usideg akked uslugen n tebqaylit deg umaḍal n tsenselkimt, gar-asen asenfaṛ n usideg n ugbur, am usmel web unṣib n tkebbanit/tasbeddit n Mozilla yellan deg Marikan (wali http://mozilla.org/ ) neɣ asideg n ifecka am Firefox, Thunderbird, Evernote..atg. I ugar n telɣut, wali asideg s teqbaylit.

Llan isenfaṛen-nniḍen icudden ar usefrek awurman n tutlayt am uɛqal aɣectan, aseɣti awurman, tira tawurmant, aselket n yifuyla imeslawen ar uḍris, asirew n imeslawen seg yiḍrisen… ugar n telɣut wali asebter asefrek awurman n teqbaylit

Asideg/Tasuqilt tettwag s ifecka atraren. Wali deg usebter n ifecka n usideg.

Akken ad yeddu leqdic icudden ar ar usideg, yessefk ad d-nheggi imawayalen deg yal taɣult. Ad tafem ak imawalen-agi deg usebter imawalen.

Amawal:

Tagnut/Tignutin: Norme(s)
Aɛqal aɣectan: reconnaissance vocale.
Aseɣti awurman: auto-correction.
Tira tawurmant: auto-saisie.
Aselket ameslaw->aḍris: Conversion audio -> texte.
Asirew n umeslaw seg uḍris: Génération d'audio à partir de textes.
Afecku/Ifecka: Outil(s)
Asnas/Isnasen:Application(s)
Anagraw/Inagrawen: Système(s)
Aseɣzan/Iseɣzanen: logiciel(s)
Tiliẓri/Tiliẓriyin: Téléviseur(s)
Asagu/Isuga:Appareil(s)
Tangalt/Tingalin: code(s)
Asideg:Localisation